_page-0001-2.jpg)
A XXIV edición do Encontro de Danza da USC (EUD) acollerá o día 17 de abril no Auditorio Fuxan os Ventos, ás 20.30 horas, a presentación de producións de danza das compañías das universidades de Vigo, A Coruña e da propia da USC. Á Compañía de Danza da USC nacida ao abeiro do Espazo de Danza, baixo a dirección de Juan Carlos Zahera, únense a Aula de Danza do Campus de Ourense da Universidade de Vigo e a Aula de Danza da Universidade de Coruña.
O Encontro Universitario de Danza que organiza a USC dende hai mais de dúas décadas, é unha das actividades máis destacables e visibles do Espazo de Danza da USC. Estes foros artísticos, promovidos para favorecer o intercambio cultural a través da danza, ademais de para achegar esta disciplina artística ao resto da sociedade. A entrada é libre e de balde para todas as representacións ata completar a capacidade do espazo.
A Aula de Danza do Campus de Ourense da Universidade de Vigo, coa obra titulada 'Xeometría dun silencio aprendido' baixo a dirección de Nuria Sotelo e coreografiada por Ainhoa Linaza e Creación Colectiva, abrirá o programa de representación do XXIX Encontro Universitario de Danza da USC o venres 17 de abril, a partir das 20.30 horas no Auditorio Fuxan os Ventos.
A Aula de Danza da Universidade de Coruña intervirá coa obra 'Deriva', coreografiada por Alicia López e Alba Fernández.
'Esquecid@s' é o titulo da obra da Compañía de Danza da USC, dirixida por Juan Carlos Zahera e coreografiada por Rosa Acuña que completa o programa do Encontro. Reúnense de novo as tres Compañías de Danza da USC (campus de Compostela, campus de Lugo e Sen Vergoña) nunha soa produción.
